LIGJET E BIZNESIT
Policia e Lushnjës ka hedhur poshtë akuzat e një 28-vjeçari që akuzon efektivët se kanë ushtruar dhunë fizike ndaj tij.
Policia e Lushnjës njofton se 28-vjeçari që drejtonte mjetin me targa AA 935 CR u ndalua për kontroll në vendin e quajtur “Rotondo e Savrës” në Lushnjë, rreth orës 04:40 të mëngjesit të së dielës.
“Nga ana e oficerit të Policisë Gjyqësore të Prokurorisë janë administruar kallëzimet e punonjësve të Policisë, kallëzimi i shtetasit A. H., këqyrja dhe vendimi i ekspertimit mjeko-ligjor për shtetasin A. H. Në përfundim të veprimeve procedurale, oficeri i Prokurorisë së Rrethit Gjyqësor Lushnjë ka komunikuar me Sallën e Komandimit pranë Komisariatit të Policisë Lushnjë, për të komunikuar veprimet hetimore dhe hetimin e këtij personi në gjendje të lirë.
Në lidhje me këtë rast, Drejtori i Përgjithshëm i Policisë së Shtetit ka urdhëruar Drejtorinë e Standardeve Profesionale, për të dërguar një grup pune në Komisariatin e Policisë Lushnjë, me qëllim verifikimin e rastit dhe nisjen e hetimit disiplinor në rast se konstatohet tejkalim i kompetencave të punonjësve të Policisë në kryerjen e detyrës“, shkruhet në njoftimin e policisë.
