LIGJET E BIZNESIT
Edhe në Maqedoninë e Veriut mbahen zgjedhjet lokale. Ditën e sotme zhvillohet procesi zgjedhor. Në garë për 80 komuna dhe Qytetin e Shkupit janë 299 kandidatë, ndërsa mbi 10,600 kandidatë për këshilltarë komunal dhe këshillin e Qytetit të Shkupit.
Më shumë kandidatë për kryetar ka për Shkupin, respektivisht 12, ndërsa Struga dhe Dollneni kanë nga 8 kandidat. 24 janë kandidatë të pavarur. Nga kandidatët për kryetar komune vetëm 25 prej tyre janë të gjiisë femërore.
Të drejtë vote kanë 1 824 864 qytetarë. Për herë të parë në Maqedoni të Veriut do të votohet me “fingerprint” apo aparate që detektojnë vijat papilare të votuesve. Autoritetet deklarojnë se për mirëmbajtjen dhe kujdesin e procesit të votimit janë angazhuar 400 IT ekspert dhe janë vënë në funksion dy “Call Center”.
Një ditë më parë, të drejtë vote kanë pasur 10.653, një ditë para votimit zyrtar. Procesi u zhvillua në 13 burgje të karakterit hetues si dhe ndëshkues. Po ashtu, të drejtën e tyre të votës një ditë më parë e ushtruan edhe qytetarët e sëmurë, të pafuqishëm, personat e prekur nga koronavirusi dhe ata në izolim, si dhe qytetarët që gjenden në shtëpitë e të moshuarve.
Procesin zgjedhor do ta monitorehet nga 1.247 vëzhgues. Prej tyre 870 vendas dhe 367 të huaj. Raundi i dytë i zgjedhjeve lokale do të mbahet në datën 31 tetor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
