LIGJET E BIZNESIT
Dy motra në Selanik kanë përjetuar makth të madh nga nëna e tyre. Dy të rejat, e moshave 15 dhe 20-vjeç janë abuzuar seksualisht nga nëna e tyre dhe disa persona të tjerë që i jepnin para asaj për të kryer marrëdhënie seksuale. Ajo që theu heshtjen ishte motra më e madhe, e cila tregoi për ‘Mega’ gjithë makthin që ka përjetuar duke jetuar me nënën e saj.
“Ata ishin të tmerrshëm, nëna ime më përdhunoi. Ata na kanë shkatërruar jetën”, është shprehur vajza 20-vjeçare.
“Kishte netë kur nuk reagoja. Unë nuk mund të lëvizja ndërsa më abuzonin. Unë nuk mund të jetoj më kështu. Kur i thashë se trupi im më përket mua dhe nuk doja që ajo të më bënte këto gjëra, ajo tha se unë i përkisja asaj dhe se do të bëja çfarë të donte ajo. E godita me shkelm, e shtyva, e luta që të ndalet, por ajo vazhdoi” shtoi më tej vajza e re.
Dy motrat kanë treguar se asnjëherë nuk e ndjenin dashurinë e nënës së tyre, pavarësisht se e kërkonin. 15-vjeçarja ka zbuluar po ashtu se është përdhunuar dhe nga partneri i nënës së saj.
“Mami dhe partneri i saj më vendosën në dhomë dhe më bënë të shtrihem në shtrat. Pastaj ai vuri dorën nëpër të brendshme. Shikova nënën time, i tregova se sa më shqetëson, ajo më tha të ulem. “Unë i bërtita asaj për të më ndihmuar, dhe ajo u largua,” tha ajo.
“Çdo ditë që kalon për këta fëmijë është një ditë tjetër ferri. Ajo që ata kanë përjetuar është e paparë”, ka deklaruar avokati i dy vajzave, Stylianos Thanasaras.
Po ashtu, 20-vjeçarja ka zbuluar se nëna e saj e shiste atë tek meshkujt e tjerë.
“Nëna ime më dergoi në burra dhe fitoi para nga ajo. Kjo ishte filozofia e saj si nënë. Në fakt, një ditë, unë hyra në dhomë dhe pashë nënën time duke e përkëdhelur motrën time. Aty u çmenda. Fillova të bërtas,”– vuri në dukje vajza e re.
Kujdestaria e vajzave iu është caktuar një prej tezeve të tyre, teksa sipas avokatit të tyre, të gjithë presin me ankth që të vihet drejtësia.
