E rëndë në Itali/ Hyri për të grabitur një shtëpi, pronari vret 38-vjeçarin shqiptar (EMRI)

Një ngjarje e rëndë është shënuar në Santopadre të Frosinoses në Itali.

Mësohet se një 38-vjeçar shqiptar i identifikuar si Arbër Xheleshi mbeti i vrarë pasi hyri për të vjedhur në vilën e një biznesmeni.

Sipas mediave vendase, viktima dhe disa shoqërues kanë hyrë në banesën e italianit Sandro Fiorelli.

Ky i fundit i ka ndjerë hajdutët dhe ka dalë jashtë për të controlluar duke marrë një armë “shotgun” që e kishte me leje. Fill pasi panë pronarin e vilës, grupi i hajdutëve është larguar me vrap, por sipas policisë italiane, Arbër Xheleshi ka shkuar në drejtim të pronarit të vilës duke i drejtuar armën.

Në këtë moment italiani ka qëlluar në drejtim të tij me “shotgun” dhe saçmet e kanë kapur në pjesën poshtë krahut duke i prekur organet e brendshme. Kjo i shkaktoi shumë gjakderdhje shqiptarit, i cili vdiq menjëherë pasi u dërgua në spital.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern