LIGJET E BIZNESIT
Kryeministri ka reaguar në lidhje me një lajm të publikuar në mediat britanike se në Shqipëri do të ngrihet një kamp refugjatësh.
Drejtori i Komunikimit në Kryeministri, Endri Fuga thote se ky lajm është i pavërtetë dhe se Shqipëria nuk do të bëjë detyrën e atyre që janë më të mëdhenj dhe më të pasur.
“Lajmi se Shqipëria do ngrejë një qendër azilantësh për llogari të palëve të treta është absolutisht i pavërtetë. Shqipëria hapi dyert për 4 mijë afganë e jemi krenarë për këtë. Ne bëjmë detyrat tona karshi traditës e fëmijëve tanë, jo detyrat e atyre që janë më të mëdhenj e më të pasur se ne”, thotë Fuga.
Po çfarë thuhet në shkrimin e gazetës britanike “The Sun”?
Sipas medias britanike emigrantët e paligjshëm qe do kalojne kanalin nga Franca do të fluturojnë 1.500 kilometra në një qendër në det të hapur në Ballkan, ndërsa kërkesat e tyre janë duke u përpunuar. Nderkohe qe kërkesat e azilit në Mbretërinë e Bashkuar do të trajtohen, emigrantët do të qëndrojnë në Shqipëri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gazeta thekson me tej se zyrtarët në Londër dhe kryeqytetin shqiptar Tiranë thuhej se ishin afër arritjes së një marrëveshjeje për qendrën e përpunimit.
“Krijimi i një qendre përpunimi dhe pritje jashtë Britanisë është pjesë e Projektligjit të ri për Kombësinë dhe Kufijtë. Propozimi vjen mes presionit në rritje për të vepruar pas një rekordi kalimesh ilegale prej 17,000 rastesh në Britaninë e Madhe nga Franca brenda një vit”, shkruan nder te tjera The Sun.
