Mjekët në Lituani janë shokuar kur kanë hequr më shumë se një kilogram gozhdë dhe vida nga stomaku i një burri i cili filloi të gëlltiste objekte metalike pasi la alkoolin. Pacienti nuk u identifikua për arsye të privatësisë. Ai u shtrua në spital në qytetin port të Baltikut, Klaipeda me dhimbje të forta barku.
Një rreze X në stomak tregoi shumë copa metali, disa me madhësi deri në 10 cm. “Gjatë operacionit tre orësh me kontroll me rreze X, të gjithë trupat e huaj, madje edhe më të vegjlit, në stomakun e pacientit u hoqën,” u shpreh kirurgu Sarunas Dailidenas.
Spitali u siguroi mediave një foto të një tabakaje kirurgjikale ku ishin grumbulluar gozhdat dhe vidat që kishte gëlltitur pacienti.
