E gjithë familja me probleme/ Arrestohet xhaxhai i të riut që ekzekutoi efektivin Saimir Hoxha, ja për çfarë akuzohet

Policia ka vënë në pranga Baki Ramën, xhaxhain e Aldi Ramës, 21-vjecari i cili vrau efektivin Saimir Hoxha në Lezhë.

Ai akuzohet që ka thyer masën e arrestit në shtëpi.

Burime bëjnë me dije se Baki Rama ishte lënë nga gjykata në “arrest shtëpie” pasi kishte rënë në pranga për tregti lëndësh narkotike.

Gjatë kontrollit të ushtruar nga policia ditën kur ndërroi jetë Aldi Rama, xhaxhai i tij nuk është gjetur në banesë. Dyshohet se familjarët i thanë policisë se ai kishte shkuar në Tiranë për të marrë trupin e pajetë të nipit.