LIGJET E BIZNESIT
Ministrja e Shëndetësisë Ogerta Manastirliu ka njoftuar sot se qeveria ka marrë vendimin për të rritur me 10 përqind ndihmën ekonomike për familjet në nevojë dhe dyfishuar ndihmën për fëmijet jetimë.
Me anë të një mesazhi për mediat, ajo shtoi se do të alokohen 45 miliardë dollarë nga buxheti për mbrojtjen e shtresave në nevojë.
Manastirliu u shpreh se në vitin 2022 do të rriten me 6 përqind pagat për “bluzat e bardha”, mjekë dhe infermierë.
“Kemi disa vendime të rëndësishme për të komunikuar. Sot qeveria mori vendimin për miratimin e projektbuxhetit për vitin 2022. Kërkojmë të komunikojmë vendimet e rëndësishme. Program i ndihmës ekonomike si një mburojë sociale do ketë rritje të masës së ndihmës ekonomike në masën 10 për qind. Do ketë rritje të ndihmës ekonomike për familjet me fëmijë mbi 18 vjec.
Do të vijojmë të mbështesim fëmijët jetimë duke ia dyfishuar masën e mbrojtjes së këtij programi. Edhe për gratë e trafikuara do ketë rritje me tre herë. 45 miliardë dollarë do alokohen në buxhetin e shtetit për mbrojtjen e shtresave në nevojë. Do ketë rritje të buxhetit për pagat e personelit mjekësor, mjekë infermierë. Do vijojmë në vitin 2022 me rritjen e pagave në vitin 2022 me 6 për qind të rritjes së pagës”, deklaroi Manastirliu.
