LIGJET E BIZNESIT
Dy ish-zyrtarë të drejtorisë vendore të Policisë së Elbasanit janë vënë nën hetim nga SPAK, Prokuroria e Posaçme Anti-Korrupsion.
Mësohet se ata janë aktualisht pjesë e strukturës së policisë, njëri prej të cilëve në drejtorinë e Policisë së Lezhës dhe tjetri të Korçës.
Bëhet me dije se dosja në ngarkim të tyre është referuar në SHÇBA-në e Elbasanit në prokurorinë e Elbasanit në prokurori. Pas hetimeve dhe verifikimeve, organi i akuzës në Elbasan e ka referuar dosjen në SPAK.
Ndaj dy zyrtarëve rëndojnë akuzat e shpërdorimit të detyrës dhe të korrupsionit. Dyshimet janë se njëri prej tyre dyshohet të ketë bashkëpunuar me një grup të rrezikshëm kriminal nga i cili, ka dyshime se ka marrë një sasi të konsiderushme parash prej 10 mln lekësh.
Ndërkohë, lidhur me zyrtarin e dytë të vënë nën hetim nga SPAK, ndaj tij ka akuza vetëm për shpërdorim detyre.
