Këngëtarja Semi Jaupaj dhe aktori Donald Veshaj kanë qenë miq të mirë jashtë dhe vijojnë të ruajnë të njëjtin raport edhe brenda shtëpisë së “Big Brother VIP Albania”.
Në një moment, kur pjesa më e madhë e banorëve po flinin, ata po komentonin lojën e deritanishme dhe ndanë me njëri-tjetrin aspekte nga jeta e tyre private.
Semi i tregoi Donaldit se që adoleshente dëshira e saj më e madhe ishte të bëhej nënë.
Me rritjen prioritetet ndryshuan dhe ajo kuptoi se kjo gjë nuk ishte dhe aq e lehtë.
Semi: Kam dashur shumë të bëhesha nënë
Donaldi: E pse nuk u bëre? Me Bojkenin kishe mundësi që të bëje një fëmijë.
Semi: Po flas për moshën 15-vjeçare, sepse më mbrapa ndryshuan gjërat.
Kujtojmë se Semi dhe këngëtari Bojken Lako u ndanë disa muaj më parë dhe lajmin e konfirmoi vetë këngëtarja në “Kënga Magjike”, ku tha se Bojken mbetet një nga njerëzit e saj më të afërt. Ajo ka folur edhe në “Big Brother VIP Albania” për raportin e tyre, ku tregoi mes emocionesh se këngëtari ishte “dashuria e saj e parë” dhe se ishin njohur kur ajo ishte 17 vjeç, ndërsa Bojkeni 34.
Semi tha se edhe pas ndarjes, dyshja ruan një raport të mirë, madje se ajo e kishte pyetur edhe për pjesëmarrjen në reality-show.
