“Ditëlindja më e bukur e jetës sime” Emocionohet Berisha, ja surpriza që i bënë qytetarët në Korçë

Ish-kryeministri Sali Berisha e ka konsideruar 77-vjetorin e tij si një nga ditëlindjet më të bukura që ka festuar në jetë.

Ai nuk i ka fshehur emocionet, teksa është pritur me fishekzjarre dhe trëndafila blu në takimin e rradhës në qytetin e Korçës.

Në sallë, është kënduar live kënga “Shumë urime për ty” dhe më pas Himni Kombëtar. Ka qenë pikërisht ky moment, kur I ngritur në këmbë Berisha është fokusuar nga kamerat i përlotur.

Ish-kreu i qeverisë ka falenderuar mbështetësit demokratë, duke iu thënë se i kishin bërë një dhuratë shumë të bukur dhe se kjo ishte ditëlindja më e bukur.

“Të dashur demokrate dhe demokratë, dëshiroj të ulem me nderimin më të madh para qytetarëve të kësaj treve për rolin e tyre të jashtëzakonshëm në historinë tonë kombëtare të dijes të pushkës, të mendjes dhe çdo shqiptar ushqen për Korçën dhe trevat e kësaj zonë admirim dhe mirënjohjen e pakufijshme. Dhurata pa fund i kanë bërë gratë dhe burrat e këtij vendi, por sot më bëtë dhe mua një dhuratë që kurrë s’do ta harroj. Sot unë pata ditëlindjen më të bukur të jetës time. Ju falenderoj shumë,”- tha Berisha ndër të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern