LIGJET E BIZNESIT
Nga takimi që zhvilloi sot me mbështetësit e tij në Berat në kuadër të lëvizjes “Foltorja”, ish-kryeministri Sali Berisha foli në lidhje me Vettingun e politikanëve që SPAK ka kërkuar në vendin tonë.
Ai u shpreh se ky proces është i domosdoshëm, por që të lejosh që SPAK të bëjë Vettingun, duhet të jesh “super skllav i Ramës”.
“Amendamenti që Rama dërgon nëpërmjet tij në parlament, vettingu i politikanëve është i domosdoshëm, e kam mbështetur, por jo mbi rregulla policeske që mund ta përdor dikush për të marrë peng deputetë. Ne bëmë një ligj komisioni i Venecias e përmbysi, Vettingu i politikave bëhet në mënyrë transparente,shtoji në formularin e deputete problemet, krijo komisionin e etikës pranë parlamentit. S’ka prokurori politike, i kemi të gjitha mekanizmat, se si mundet një forcë politike që e quan veten demokratike të propozijë që të vendosë SPAK i Edi Ramës për mandatet e deputete duhet të jesh super skllav i Ramës që të bësh një propozim të tillë,” u shpreh Berisha.
Ish-lideri i PD-së i bëri thirrje mbështetësve të Bashës, se një njeri i cili e çon vendin nga humbja në humbje nuk premton asgjë tjetër veç disfatës.
“U them këtu, që të gjithë janë mbështetës të Lulzim Bashës, por një njeri që të çon nga humbja në humbje që në karrierën e tij regjistron 4 humbje me radhë, ai duhet të hapë rrugën, nuk premton më asgjë përveç se disfata. U drejtohem të gjithë demokratëve pa përjashtim, njeriu në vështirësi dhe në kriza njihet, është e njohur kjo, mendoni pak se çfarë bëri pasi humbi pas 25 prillit, jo sikur ishte shkolluar në Holandë, por si Kom Jong Un, vjen vendimi tjetër përjashton kryetarin e Komisionit të Sigurisë, Flamur Nokën dhe kulmon me qëndrime ndaj zotit Luan Baçi, kreun e PD në Fier”, tha Berisha.
Berisha deklaroi se afro mbi 50% e kourumit për të thirrur Kuvenndin Kombëtar të PD-së, është mbledhur me kohë.
“Kuorumi mbi 50% për mbledhjen e Kuvendit Kombëtar të PD-së është kaluar me kohë, ne do të mbledhim Kuvendin, do të bëjmë ndryshme thelbësore në statut, do të hapemi drejt fraksioneve, do të bëjmë që të vijë ata që kanë vendosur një tullë në këtë parti, do bëjmë gjithçka që fëmijët tanë ta shohin se ne po punojmë për lirinë e tyre”, tha Berisha gjatë fjalës së tij.
