“Debati Rama-Basha i stisur” Andi Bushati nuk përmbahet: Përfundon me p*rdhunimin që na bën kryeministri

Përplasjen e fortë sot në parlament mes kryeministrit Edi Rama dhe kryetarit të PD Lulzim Basha, gazetari Andi Bushati e cilësoi si të stisur.

Ai deklaroi se Basha ka ngelur vetëm në kuadrin e fjalëve, nuk është kredibël, por pyetja që shtrohet është: Si të rrëzohet Edi Rama?

“Më ngjan më shumë si një debat i stisur. Jo se Basha nuk thonte gjëra të vërteta dhe Rama iu përmbahej gënjeshtrave. Ishte i stisur pasi është një film i parë që përfundon me përdhunimin që na bën Edi Rama. E ka kaluar shoqëria shqiptare ciklin e demaskimit të Edi Ramës. Pyetja është si përmbyset Edi Rama? Këtu hyn puna e opozitës.

Një opozitë e përçare e ka shumë të vështirë të përballet me regjimin. Basha po mbivendos debatin parlamentar duke shmangur debatin brenda në PD. Fillimisht na duhet një opozitë e unifikuar. Basha i thotë Ramës akuza të vërteta, por ka një hile, pasi këto akuza nuk e çojnë askundi. Nuk është kredibël. Kryetari i opozitës duhet të rrisë legjitimitetin e munguar brenda opozitës”, tha Bushati në “Open”.