“Çmimi i energjisë në faturë nuk është real” Rama del në konferencë, prezanton planin e masave për krizën

Ashtu siç e paralajmëroi, kryeministri Edi Rama ka dalë në konferencë ku do të flasë për planin e masave që qeveria ka ndërtuar për përballimin e krizës energjitike.

Ai është shprehur se nuk ka kryeministër, edhe më i keqi në botë që dëshirën më të parë të vetë nuk ka rritjen e rrogave dhe pensioneve.

Rama tha se gjërat duhet të referohen me fakte dhe jo opinione.

“Ju kam dëgjuam me shumë vëmendje, por kur ballafaqojmë mendimet tona, duhet të marrim për bazë faktet reale. Nuk ekziston asnjë kryeministër, edhe më i keqi në botë, që dëshirën më të parë të vet nuk ka rritjen e pagave dhe pensioneve.

Ama vetëm një qeveri e keqe rrit pagat dhe pensioneve me dëshirë, por jo me logjikën e përballimit të arkës së shtetit. Kjo do të thotë të vrasësh të nesërmen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Dikush thotë se 8 vite më parë paskemi pasur pagat më të larta në rajon. Të tjerë thonë se i paskemi braktisur njerëzit në nevojë dhe e paskemi rritur energjinë elektrike. Por sërish, faktet nuk janë opinione. Çmimi ynë i energjisë elektrike që na vjen në faturë nuk është real por është i kontrolluar nga shteti për të mbrojtur konsumatorin. Ne kemi vënë një mburojë për ata që janë më në nevojë”, tha Rama.