Nga takimi i moderatore Borës dhe Donaldit një natë më parë në Big Brother Vip, s’mund të mos tërhiqnin vëmendjen disa detaje tepër specifike. Si fillim, ishte kimia e dukshme fizike mes tyre dhe së dyti, duart e Donaldit rreth qafës së Borës!
Ai vazhdimisht i mbante duart rreth qafës së saj, si për të treguar gjithë pasionin që s’e shprehte dot ndryshe apo për ta “poseduar” të gjithë qënien e saj me duart shtrënguar rreth qafës. Gjesti i duarve është kryesisht gjesti më tipik i meshkujve mesdhetarë, të cilët kanë tendencë ta shprehin dashurinë në mënyrë paksa agresive, si për të treguar dominancë mbi partneren.
Por çfarë thonë psikologët për një gjest të tillë të gjuhës së trupit? Padyshim që kur partneri prek qafën tuaj me duar gjatë gjithë kohës tregon se është i tërhequr nga ju, po përpiqet t’ju qetësojë apo të dominojë. Ka një sërë arsyesh përse një djalë prek vazhdimisht qafën tuaj, e për këtë arsye është e rëndësishme t’i jepni shpjegim duke u bazuar në kontekstin e situatës dhe veprimit.
Ju e tërhiqni seksualisht. Në qoftë se ai e bën vazhdimisht një veprim të tillë, gjuha e trupit nuk gënjen. Eshtë i tërhequr prej jush dhe do ta tregojë këtë duke të prekur ashtu sikurse dikush tjetër nuk do të guxonte.
Ai do të shohë si do reagosh ti. Ndoshta prekja me duart pas qafës mund t’i përkasë edhe një tjetër rasti. Ai e bën këtë për të parë se si do të reagosh ti kur të kuptosh se ai ndjen për ty, por ende nuk ka një reagim tëndin ndaj tij. Duke bërë diçka të tillë, ai jep sinjale nëpërmjet trupit dhe pret të shohë nervozizëm apo emocione nga pala tjetër.
Po tregohet dominant! Një burrë mund ta bëjë një gjest si ky edhe për t’i treguar të tjerëve rreth e rrotull që është ai dominanti në marrëdhënie. Dominanca mashkullore mund të jetë ndonjëherë edhe një shenjë tërheqjeje. Në qoftë se ai tërhiqet seksualisht nga ty, mund ta tregojë këtë përmes një sinjali të tillë që vjen nga gjuha e trupit.
