Burri rreh mizorisht një grua në marketin e kryeqytetit, i zuri rrugën me karrocën e ushqimeve

Një ngjarje e rëndë ka ndodhur në një market në Prishtinë, ku një burrë ka rrahur një grua. E gjithë ngjarja ka ndodhur në sytë e familjarëve të agresorit, i cili shihet i shoqëruar nga gruaja e tij dhe dy fëmijët.

Konflikti ka nisur me disa shtyrje të vogla, pasi gruaja që ishte e vetme i kishte zënë rrugën me karrocën e ushqimeve familjes tjetër. Pas disa momenteve nervozizmi, burri e ka qëlluar në fytyrë disa herë me grushte klienten.

Video është shpërndarë nga Sinjali, ndërkohë që nuk dihet për identitetin e viktimës apo të agresorit. Fatmirësisht, më pas aty kanë ndërhyrë dhe klientë të tjerë të cilët kanë larguar agresorin që nuk dinte të ndalte.