Bllokimi që ‘ndali’ botën! Rikthehet në përdorim Facebook, Whatsap dhe aplikacionet e tjera

Pas një bllokimi prej gati 6 orësh, si kurrë më parë janë rikthyer në përdorim Facebook, Whatsap dhe aplikacionet e tjera.

Sajti “DownDetector” raportoi se nga përdoruesit kanë ardhur gati 80 mijë raportime për WhatsApp dhe mbi 50 mijë në Facebook, lidhur me mosfunksionimin e aplikacioneve.

NetBlocks, e cila gjurmon ndërprerjet e internetit dhe ndikimin e tyre, vlerëson se ndërprerja tashmë i ka kushtuar ekonomisë globale 160 milionë dollarë dhe ka ulur çmimin e aksioneve të Facebook me më shumë se 5 për qind.

Eksperti i sigurisë kibernetike Kevin Kevin Beaumont, shkroi në Twitter: “Ky duket si një gabim epik gjatë konfigurimit, çka nëkupton se Facebook praktikisht nuk ekziston në internet për momentin”.

Whatsapp, Instagram dhe Facebook Messenger, të cilat janë të gjitha në pronësi të Facebook, funksionojnë në një infrastrukturë të përbashkët.