Bëri fushatë gjatë ditës së zgjedhjeve, komisionerja e pëson, gjobitet me shumën e majme

Një ditë pas zgjedhjeve lokale, Lidhja Demokratike e Kosovës, BIRN, dhe Internws Kosova, kanë parashtruar ankesë përkundrejt Lëvizjes Vetëvendosje në Gjilan. Ketë ankesë e ka aprovuar Paneli Zgjedhor për Ankesa dhe Parashtresa – PZAP.

Referuar ankesës, pretendohet se komisionierja e Lëvizjes Vetëvendosje në Gjilan, Xhezide Selimi ka bërë postimin dhe shpërndarjen e materialeve zgjedhore në rrjetin social Facebook, ku ka postuar një fotografi duke votuar. Nëpërmjet fotos ajo ka ftuar qytetarët që të dalin dhe të votojnë numrin 144.

Vetëvendosje është munduar të arsyetohet se ajo nuk është komisionere e saj.

“Nga shkresat e lëndës, shihet se subjekti polik Lëvizja Vetëvendosje, përkatësisht komisionierja e këtij subjekti, Xhezide Selimi, gjatë ditës së votimit, në rrjetin social facebook, ka bërë fushatë zgjedhore dhe ka udhëzuar që të votohet subjekti politik LVV. Pretendimet e Lëvizjes Vetëvendosje se nuk vërtetohet se Xhezide Selimi është komisioniere e LVV-së, Paneli i vlerëson të pa bazuar për arsyeje se nga fotoja e paraqitur në ankesë, shihet se e njëjta bartë ID, me të cilën identifikohet si komisioniere. PZAP ka bërë kërkesë në KQZ, për të verifikuar komisionieren në fjalë në Gjilan. Paneli, vendimin e tij e mbështetë në dëshmi të qarta dhe bindëse, konform nenit 117 të LZP-së”, thuhet në vendimin e PZAP-së.

Paneli, duke iu referuar provave, konstaton se LVV, konkretisht komisionierja e saj është përgjegjëse për veprimet, pasi ka shkelur nenin 36, paragrafi 1, pika b të LZP.

Më këtë rast paneli i ka vendosur LVV-së një gjobë prej 1 mijë eurosh.

Ndërkohë PZAP, të njëjtës ia ka ndaluar pjesëmarrjen në zgjedhje, si kandidate, apo si pjesë admistrative e ndonjë organi zgjedhor për pesë vite.