Athina përfshihet nga moti i keq, dhjetra shtëpi nën ujë

Moti i keq ka përfshirë Greqinë duke shkaktuar dëme të konsiderueshme në disa zona. Shira të dendur kanë shkaktuar përmbytje të mëdha dhe disa banesa janë dëmtuar. Rrugët janë nën ujë teksa dhjetëra banesa janë përmbytur. Dëmet janë të pallogaritshme, sipas drejtuesve lokalë.

Në një deklaratë pët shtyp nënkryetarja e bashkisë Mantoudi, Dimitris Skopelitis , ka njoftuar se katër persona kanë mbetur të bllokuar në shtëpitë e tyre.

Banorët e Achladi dhe Agia Anna ndodhen në një situatë jashtëzakonisht të vështirë , ku lumenjtë dhe përrenjtë kanë vërshuar, duke përmbytur zona të tëra.

Prej orëve të para të mëngjesit, makinat e ndërtimit po përpiqen që të pastrojnë vendin në mënyrë që automjetet të kalojnë me banorët që duan të dalin nga zona.