Ankth në pistë/ Avioni merr flakë gjatë uljes, pasagjerët tmerrohen nga tymi dhe flakët (FOTO)

Një episod i frikshëm është shënuar së fundmi në Angli, në aeroportin East Midlands.

Ulja e një avioni ka shkaktuar panik te udhëtarët.

Ashtu sikurse shihet dhe në fotot që janë publikuar në media, mjeti fluturues ka marrë flakë ndërsa prek tokën.

Sipas një raporti të Daily Mail që i referohet “gabimeve të uljes”, askush nuk u plagos kur avioni i ngarkesave 747 që ishte nisur më herët nga Leipzig, Gjermani, u ul në aeroportin anglez me një zhurmë të tmerrshme. Fotoja tregon flakët që dalin nga një prej motorëve të avionit, ndërsa tymi vazhdon të mbulojë avionin.

Nuk dihet se çfarë e shkaktoi shpërthimin në motor, por një dëshmitar okular për mediat britanike thotë se diçka hyri në motor në kohën e uljes.