LIGJET E BIZNESIT
Gjykata e Apelit të Posaçme la në fuqi masën e sigurisë së arrestit me burg për Thoma Gëllçin , ish-drejtorin e RTSH që akuzohet për shpërdorim detyre në lidhje me një tender për blerje pajisjesh për kanalin RTSH agro. Apeli ka rrëzuar kërkesën e avokatit të tij mbrojtës Dorjan Metalia që kërkoi masë më të butë duke lënë në fuqi shkallën e parë, duke vendosur që Thoma Gëllçi të qëndrojë pas hekurave të paktën deri në përfundim të hetimeve.
Në seancën e zhvilluar me dyer të mbyllura Gëllçi ka mohuar akuzat e ngritura nga SPAK për shpërdorim detyre lidhur me tenderin prej 86 milion lekësh për blerje pajisjesh për kanalin RTSH agro. Prokuroja Doloreza Musabelliu paraqiti në gjykatë faktet ku sipas hetimit, Gëllçi ka nisur proçdurat e tenderimit ende pa marrë miratimin për hapjen e këtij kanali nga autoriteti i mediave audiovizive i cili më herët kishte refuzuar mbylljen e kanalit RTSH fëmijë pqr ta zëvëndësuar me RTSH agro. Gëllci akuzohet po ashtu se ka favorizuar firmën fituese të tenderit duke zgjatur afatin e dorëzimit të produkteve ndërsa avokati i tij foli për një inskenim i cili lidhet për të penguar rikandidimin për të qenë në krye të RTSH-së.
Arrest me burg po ashtu është lënë në fuqi edhe për 2 teknikët e komisionit të vlerësimit të ofertave që firmosën tenderin. Burg është caktuar për Julian Tapian dhe Ervin Muraj. Ndërkohë, në kërkim vijon të jetë Alban Malaveci, ku sipas sistemit TIMES, rezulton të jetë larguar në itali rreth 1 vit më parë.
