Aksion kundër vjedhjes së energjisë elektrike në Krujë, kontrollet zbulojnë biznesin pa kontratë që prodhonte kriptomonedha

Drejtoria e OSHEE Krujë po yhvillon një aksion të madh kundër abuzimeve dhe vjedhjeve në rrjetin elektrik.

“BalkanWeb” shkruan se gjatë kontrolleve të ushtruara në bashkëpunim me Policinë e Shtetit, në 250 subjekte private janë proceduar penalisht 5 shtetas, midis tyre dhe një biznes privat pa kontratë të cilit iu gjetën makineri të prodhimit të kriptomonedhave (bitcoin).

Laboratori u zbulua në hyrje të qytetit të Krujës. Për laboratorin e bitcoin u procedua penalisht pronari i objektit, shtetasi me iniciale F.M., pasi laboratori nuk figuron në emër të askujt.

Të gjitha rastet janë konstatuar nga OSHEE-ja të cilët i kanë denoncuar penalisht në Policinë e Shtetit. Në qytetin e Krujës janë proceduar penalisht 2 persona teksa në Fushë-Krujë 3. Mësohet se aksioni sapo ka nisur dhe do vijojë për një afat të pa përcaktuar.