6 muaj në arrati, GJKKO lë në “arrest shtëpie” ish-kandidatin e njohur të LSI

Gjykata ka caktuar masën e sigurisë “arrest shtëpie” për ish-kandidatin e LSI-së për deputet, Etjon Joka i akuzuar për korrupsion në zgjedhje.

Gjykata ka caktuar masën “arrest shtëpie” për Jokën duke thënë se ai është vetëdorëzuar.

Etjon Joka, ish-kandidat i LSI-së për deputet në Tiranë, ishte shpallur në kërkim prej muajsh. Ai u shfaq para zgjedhjeve të datës 25 prill duke blerë vota për veten dhe LSI, me nga 100 dollarë për votë.

Prokuroria e Posaçme, nisi hetimet pas videove të publikuara paraditen e 23 prillit, ku shihej se Joka dhe disa njerëz të tij të afërt u premtonin lekë dhe vende pune qytetarëve në këmbim të votës për LSI-në. Ai u thirr për të dëshmuar por refuzoi.

SPAK e shpalli atë në kërkim dhe i kërkoi Policisë që ta arrestonte. Gjykata e Posaçme dha ndaj ti masën e sigurisë “Arrest me burg” në mungesë, ndërsa GJKKO e ka rrëzuar duke e lënë në arrest shtëpie.