23-vjeçari shqiptar sulmon 6 makina, ishte në gjendje të dehur

Mbrëmjen e kaluar, Karabinierët arrestuan shtetasin shqiptar me inicialet T.S, një 23-vjeçar shqiptar me banim në fshat, pa dokumentacion të rregullt. Ai ishte autori i dëmtimit të gjashtë makinave të parkuara përgjatë Via Verdi di Caravaggio.

Ngjarja e rëndë u shënua në komunën Caravaggio. I riu pas ngjarjes së frikshme, u largua menjëherë nga vendngjarja.

Sakaq, një banor i zonës i shqetësuar nga zhurma doli për të parë atë që po ndodhte dhe pasi pa të riun duke dëmtuar automjetet njoftoi menjëherë policinë. Dy ekipe të policisë u vunë në ndjekje të të riut, i cili pas arrestimit pavarësisht se ishte i dehur pranoi ngjarjen.