Zgjidhet misteri: Ja si kjo specie ka mbijetuar për shekuj me radhë pa bërë s*ks

Mbijetesa afatgjatë e kafshëve pa riprodhim seksual mendohej që të ishte praktikisht e pamundur – deri më tani.

Shkencëtarët në Universitetet e Këlnit dhe të Göttingenit zbuluan se Oppiella nova, një lloj merimangash, kanë mbijetuar për mijëra – ndoshta edhe miliona – vjet pa kryer marrëdhënie seksuale.

Tek kafshët me dy grupe kromozomesh, përfshirë këtu njerëzit, seksi siguron që gjenetika jonë “të përzihet” duke siguruar diversitet. Ky lloj diversiteti gjenetik është ajo që lejon shumicën e jetës në Tokë të përshtatet me kalimin e kohës, duke evoluar kështu karakteristika që i përshtaten më së miri mjediseve tona.

Mirëpo kjo “përzierje” nuk ndodh në organizmat të cilat riprodhohen në mënyrë aseksuale. “Oppiella nova” mund të klonohet në vend që të riprodhohet. Pavarësisht se prodhojnë ato që janë në thelb klonet e tyre, këto specie janë akoma në gjendje të prezantojnë variacion gjenetik dhe të përshtaten me mjediset e tyre në një mënyrë apo në një tjetër.

Mbijetesa e një specie për një kohë të gjatë pa riprodhim seksual është tepër e rrallë, por sikurse tregoi edhe studimi, jo e pamundur. Ekipi i biologëve dhe zoologëve janë të mendimit se Oppiella nova vlen ende për t’u studiuar për të kuptuar si funksionon evolucioni pa seks.