“Vuan nga një sëmundje e rëndë” Avokati flet për gjendjen shëndetësore të Adriatik Llallës

Jashtë dyerve të GJKKO, avokati Sokol Hazizaj është prononcuar për mediat.

Ai ka folur rreth gjendjes shëndetësore të ish-kryeprokurorit Adriatik Llalla, duke thënë se vuan nga një sëmundje e rëndë.

Sipas Hazizajt, Llalla ndodhet në regjim spitalor në Shqipëri.

Sa i përket çështjes, avokati theksoi se pret një reflektim nga Gjykata e Apelit pasi Shkalla e Parë nuk pranoi provat e tyre dhe vazhdimin në themel të çështjes.

“Vuan nga një sëmundje e rëndë, arsye se pse sot nuk erdhi në gjykim, është në regjim spitalor. Është në regjim spitalor. Në Shqipëri është.
Çfarë vendimi? Pret ë Gjykata e Apelit të reflektojë mbi gabimet e tmerrshme të Gjykatës së Shkallës së Parë, sa i përket mënyrës mospranuese refraktare ndaj provave tona dhe vazhdimit në themel të çështjes. Jemi para një rasti suis-generis, nuk pranohet deklarimi dhe konsiderohet si mosdeklarim.”- tha Hazizaj.