Vdekja e reperit grek/ Po garonte me ‘Audi R8’? ‘Porsche’ u përplas me shtyllën

Aksidenti i rëndë i reperit Mad Clip, i cili humbi jetën pasi nuk kontrolloi dot shpejtësinë në makinën tip “Porsche”, duket se erdhi pasi ai po garonte.

Në disa pamje në internet duket se reperi po garon me shoferin e një automjeti tip Audi R8 me një shpejtësi marramendëse.

Por shoferi i Audit shkoi në polici duke thënë se nuk po garonte me Porsche dhe se në automjet ishte me bashkëshorten e tij.

Megjithatë sot pritet ekspertiza mjeko-ligjore, si dhe rezultatet e ekzaminimeve që u kryen për të përcaktuar nëse reperi 34-vjeçar kishte konsumuar alkool pasi kishte lënë dasmën e miqve të tij.