Një ngjarje tragjike është shënuar në Napoli, Itali. Mediat shkruajnë, se sanitari 38-vjeçar, Mariano Cannio, dyshohet se ka hedhur nga ballkoni 4-vjeçarin e quajtur Samuele.
Vogëlushi ndërroi jetë menjëherë, pasi ra nga 20 metra lartësi. Sipas mediave të huaja, fillimisht u mendua se ishte aksident tragjik, por hetuesit kanë zbardhur ngjarjen. Prindërit janë në shok ndërsa nëna e Samuele është 8-muajshe shtatzënë.
Për vrasjen e vogëlushit akuzohet punonjësi i familjes, 38-vjeçari, Mariano Cannio.
Mediat raportojnë se ai kishte probleme mendore. Fëmija ishte në shtëpi bashkë me të ëmën, e cila, në kohën e tragjedisë, ishte me sa duket në një dhomë tjetër. Kjo është edhe arsyeja se përse në fillim u mendua se ishte aksident.
