Tragjike/ 15-vjeçarja vdes nga virusi, e çuan në gjendje të rëndë në spital

Një 15-vjeçare nga Tetova ka ndërruar jetë në Klinikën Infektive në Shkup, si pasojë e komplikacioneve nga koronavirusi. Lajmin e bënë me dije autoritetet shëndetësore në Maqedoninë e Veriut.

Ata thanë se vajza u soll në gjendje shumë të rëndë nga spitali i Tetovës, ku u trajtua për dy ditë. Sipas raportit mjekësor, pacientja nuk kishte marrë vaksinën kundra virusit.

“Bëhet fjalë për një paciente, e cila nuk ishte vaksinuar dhe për të cilen nuk kemi detaje nga të dhënat që kemi marrë nga babai i saj, nëse ajo vuante nga sëmundje të tjera kronike. Por, është një vajzë që kishte mbipeshë, gjë që bart rrezikun e sëmundjeve të komplikuara dhe të rënda”, tha Millena Stevanoviq, drejtore e Klinikës Universitare për Sëmundje Infektive në Shkup.