Pandemia e Covid-19 po përjeton sërish rritje të numrit të viktimave. Pas një vere disi të qetë, ky fillim shtatori po tregon se virusi vijon të jetë agresiv, madhje e dhe ndaj moshave të reja.
Një vajzë 15 vjeçe nga Tetova ka humbur jetën në Klinikën Infektive në Shkup. E mitura kishte disa ditë e shtruar dhe për shkak të shëndjes së rënduar shëndetësore, ndikuar dhe nga mbi pesha, nuk e ka fituar dotë betejën me Covid-19.
Sipas mediave maqedonase, në familjen e 15-vjeçares kishte ndërruar jetë disa ditë më parë e ëma e saj, po nga koronavirusi. Sipas autoriteteve të nënë e bijë ishin paraqitur mjaft vonë për trajtim në qendrën e specializuar.
“Bëhet fjalë për një paciente, e cila nuk ishte vaksinuar dhe për të cilen nuk kemi detaje nga të dhënat që kemi marrë nga babai i saj, nëse ajo vuante nga sëmundje të tjera kronike. Por, është një vajzë që kishte mbipeshë, gjë që bart rrezikun e sëmundjeve të komplikuara dhe të rënda”, tha Millena Stevanoviq, drejtore e Klinikës Universitare për Sëmundje Infektive në Shkup.
