“Thuaj të hëngsha…”/ U denoncua i rrëmbyer, policia gjen “mbretin” e Instagramit. Videoja ku Kozak Braçi dhunohet në makinë

Policia e Tiranës sqaron se pas denoncimit të familjarëve të Kozak Braçit për rrëmbimin e këtij të fundit, ai është gjetur nga blutë.

Kozak, i njohur si “mbreti” i Instagramit, po shoqërohet në Komisariat për t’u pyetur mbi ngjarjen.

Familjarët e Braçi janë alarmuar pas një videoje të të riut, brenda një makine me tre persona të tjerë, që kanë hyrë “LIVE” në Instagramin e tij duke e dhunuar fizikisht i kanë kërkuar që të bëjë deklarata lidhur me një tjetër personazh të njohur.

Sqarim i Policisë së Tiranës:

Në lidhje me një lajm të publikuar në disa media për rrembimin e shtetasit K. B, ju bëjmë me dije se:

Sherbimet e Policisë kanë bërë të mundur gjetjen e tij dhe po bëjnë shoqërimin e tij për në ambientet e Komisariatit, për të dhënë deklarimin e tij në lidhje me ngjarjen.

Gjithashtu, është bërë identifikimi i autorëve të ngjarjes dhe po punohet për kapjen e tyre.

Strukturat hetimore të Komisariatit të Policisë Nr. 4 po punojnë për sqarimin e rrethanave dhe dokumentimin e plotë të ngjarjes.