Telefonoi gabimisht emergjencën kur po flinte, policia i mësyn në banesë, ja çfarë gjeti

Një shpërndarës droge ka përfunduar në prangat e policisë në Gjermani, pasi kishte telefonuar aksidentalisht policinë teksa po flinte.

Operatori në polici iu përgjigj telefonatës, që kishte mbërritur rreth orës 01:00 të natës, por në anën tjetër dëgjoi vetëm gërhitjet e personit.

Në pamundësi për të mësuar të vërtetën e telefonatës, policia u nis drejt banesës nga kishte ardhur thirrja. Policia mbërriti në banesën në ëaldbröl, pranë Këlnit dhe gjeti 23-vjeçarin teksa po flinte, ndërsa era e kanabisit detyroi policinë të bëjë një kontroll.

Ai këmbënguli se nuk e kishte telefonuar policinë, por kur kontrolloi telefonin e tij zbuloi se kishte telefonuar shumë herë emergjencën.

Policia gjeti po ashtu disa tableta ekstazie, kokaine, amfetamina, peshore.