Shtatzënë me një burrë tjetër/ Ja pse Elona Kalesha vrau dhe futi në valixhe vjehrrrit e saj

Mediat italiane raportojnë se kanë zbuluar arsyen e vrasjes, copëtimit të trupave të çiftit shqiptar Shpëtim dhe Teuta Pasho dhe futjes së tyre në valixhe.

Kalesha është përleshur me vjehrrit e saj, prindërit e Taulant Pashos, para krimit makabër, zbulojnë hetimet nga prokurorët dhe ekspertët italiane.

36-vjeçarja me origjinë shqiptare dyshohet se mund t’i ketë ekzekutuar për të parandaluar çiftin që t’i tregonin djalit të tyre se ajo ishte shtatzënë me një tjetër burrë.

Rrjedhimisht i dashuri i saj, Taulanti do ta kuptonte se ajo e kishte tradhëtuar.

Prokurorja Ornella Galeotti ka konstatuar se Kalesha dyshohet se kishte kryer një abort në një spital në Firence në Tetor 2015, disa ditë para zhdukjes së çiftit Pasho. Mëngjesin e sotëm, gjatë seancës prokurorja Ornella Galeotti paraqiti dokumente të reja, përfshirë raportin e marrjes në pyetje të Taulant Pashos.

Ai është shprehur se kurrë nuk e dinte për shtatzëninë e 36-vjeçares, duke mohuar se ai mund të ishte babai, duke qenë se ishte në burg.