Kanë kaluar më shumë se tre orë, që kur Policia e Shtetit është vënë në ndjekje të autorit të dyshuar të vrasjes së oficerit të krimeve, Saimir Hoxha.
Mësohet se 21- vjeçari Aldi Rama fshihet në zonën e Vainit në Lezhë, pikërisht pranë vendit të ngjarjes.
Uniformat blu kanë lokalizuar vendndodhjen e të riut dhe po punojnë për kapjen e tij.
Ndërkohë sipas burimeve bëhet e ditur se ai është i armatosur dhe gjatë operacionit për kapje ai ka qëlluar dy herë me armë zjarri në drejtim të helikopterit.
Kujtojmë që ngjarja ka ndodhur paraditen e sotme (28 shtator) kur policia ishte në kontroll për kultivim të lëndëve narkotike.
Në drejtim të patrullës është qëlluar me armë zjarri dhe për pasojë polici Saimir Hoxha mbeti i vrarë.
Kush jep informacion per arrestimin e tij, policia ka ofruar 20 mije euro.
Për ngjarjen reagoi edhe ministri i Brendshëm, Bledi Çuçi i cili tha se ngjarja është një akti kriminal dhe se dora e zeza që qëlloi mbi policin do të marrë ndëshkimin e merituar sipas ligjit.
