Prekëse/ Sot është bosh, ja çfarë u gjet mbi tavolinën ku ulej të punonte çdo ditë Saimir Hoxha si oficer krimesh

Nënkomisari i krimeve në Lezhë Saimir Hoxha, ulëj çdo ditë për të nisur punën në karrigen e tavolinës së zyrës së tij.

Por ditën e djeshme, jeta e oficerit të lartë u ndërpre, pasi ai u ekzekutua nga 21-vjeçari Aldi Rama gjatë një aksioni të policisë.

Një buqetë me lule të bardha, një kornizë me foton e tij e lidhur me një shirit të zi, e një paketë cigaresh me çakmak.

Këto janë sendet që kolegët kanë lënë në tavolinën ku efektivi punonte.

Një ditë pas përcjelljes së tij për në banesën e fundit, pasi humbi jetën në krye të detyrës, kolegët kanë vendosur që ta kujtojnë ndryshe 44-vjeçarin.

Aldi Rama pas më shumë se 5 orë nga vrasja vendosi që të tërhiqte këmbëzën për herë të dytë por kësaj herë nga vetja, duke i marrë jetën vetes. I riu u përcoll sot për në banesën e fundit.