Identifikohet autori i dyshuar i vrasjes së efektivit të Lezhës Saimir Hoxha.
Kërkimet për kapjen e 21-vjeçarit Aldi Rama kanë filluar edhe nga ajri me helikopter.
Siç duket edhe nga pamjet, mjeti ka fluturuar mbi zonën ku i riu mendohet se është fshehur.
NJOFTIMI ZYRTAR I POLICISE
Në vijim të informacionit paraprak, falë veprime të shpejta hetimore u bë i mundur identifikimi i autorit të dyshuar të vrasjes së oficerit të Policisë në Komisariatin e Policisë Lezhë.
Autori i dyshuar është shtetasi Aldi Rama, 21 vjeç, i dënuar më parë për prodhim dhe shitje të narkotikëve dhe mbajtje pa leje të armëve të ftohta, i cili është larguar me automjet nga vendngjarja. Vijon puna intensive për lokalizimin dhe kapjen e tij.
Grupi i posaçëm hetimor ndodhet në vendngjarje dhe nën drejtimin e Prokurorisë së Rrethit Gjyqësor Lezhë vijon punën për zbardhjen dhe dokumentimin e plotë ligjor të kësaj ngjarjeje kriminale.
