Po kthehej nga dasma e shokut, humb jetën reperi i njohur grek/ U përplas me shtyllën pasi kaloi 4 semaforë të kuq

Ka ndërruar jetë pas një aksidenti të rëndë në Athinë të Greqisë, reperi i famshëm grek, Mad Clip.

34-vjeçari po kthehej nga dasma e një shoku dhe kaloi 4 semaforë të kuq ku në fund përplasi  Porschen e tij me një shtyllë.

U deshën rreth 2 orë që ai të nxirrej nga automjeti teksa në spital ndërroi jetë.

Mad Clip emrin e vërtetë e ka Peter Anastosopoulos dhe ka lindur në New York të SHBA nga prindër grekë.

34-vjeçari ka disa këngë e albume të njohura si “MAMA”, “Kotera”, “Sinthikes” apo “Super trapper”, “O Amerikanos LP” dhe “Super Trapper 2”.