Parashikimi i motit për ditën e sotme, e enjte 23 shtator 2021

Sipas MeteoAlb, nën mbizotërimin e motit të kthjellët vijon ultësira perëndimore, ndërsa kthjellime dhe kalime të pakta vranësirash do të ketë përgjatë shtrirjes Lindore. Orët e mesditës bëjnë që vranësirat të bëhen më të dukshme në zonat malore dhe pjesërisht në zonat e ulëta por mundësia për reshje thuajse zero. Gjatë pasdites dhe natës pritet largim gradual i vranësirave nga i gjithë territori.

Temperaturat e ajrit do të vijojnë të ulen ndieshëm në mëngjes dhe në mesditës duke luhatur vlerat ditore nga 7°C deri në 27°C.

Era do të fryjë mesatare deri e fortë duke arritur shpejtësinë 50 km/h nga drejtimi Verior – Verilindor duke krijuar ne brigjet e Jonit dallgëzim 5 ballë.