Papa Françesku u dërgoi 15,000 akullore të burgosurve, në mënyrë që tju ofrojë atyre freski. Italia përjetoi një ndër verat më të nxehta këtë vit.
Në Sirakuzë, Sicili, termometri arriti në 48.8 gradë Celsius në gusht. Në të njëjtën kohë, vendi përjetoi zjarre masive.
Akulloret u dorëzuan nga kardinali i zgjedhur i Vatikanit, Conrad Kratzeëski në dy burgjet e Romës, Regina Coeli në qendër të qytetit dhe Rebibbia në periferi.
Një deklaratë nga Vatikani tregoi se zyra bamirëse e Papës “nuk shkoi me pushime” këtë verë. Dhurimi i akulloreve ishte një nga gjestet e shumta të bëra gjatë verës “për të ndihmuar dhe dhënë shpresë për mijëra njerëz në burgjet e Romës”, shtohet më tej në deklaratë.
Në muajin qershor, rreth 20 të burgosur nga burgjet Rebibbia u takuan me Atin e Shenjtë, i cili i shoqëroi në një vizitë në Muzetë e Vatikanit.
Zyra e tij e bamirësisë po ashtu mori grupe të vogla njerëzish të pastrehë dhe i çoi në det ose liqen për një pasdite pushimi dhe ngrënieje në një piceri. Testet dhe vaksinat falas të koronavirusit iu dhanë të pastrehëve në Romë dhe njerëzve që jetojnë në varfëri.
