Pamjet/ Tre vajzat shqiptare rrihen brutalisht me shkop gome në mes të Prishtinës

Një ngjarje e rëndë ka ndodhur dje në Prishtinë, ku tre vajza shqiptare janë sulmuar fizikisht në mes të rrugës.

Një nga vajzat tregoi se personi që i sulmoi ishte klient në një qendër masazhi ku punonin.

Sulmi erdhi, tregoi ajo, pasi ai kërkoi shërbim më shumë se masazh dhe e refuzuan, gjë që solli zemërimin e tij. Në pamjet që janë bërë virale, ai duket teksa sulmon vajzat me një shkop gome.

“Rasti ka ndodhur dje rreth orës 18:00, në rrugën “Ahmet Krasniqi” në Prishtinë. Lidhur me këtë rast i cili është cilësuar, Lëndim trupor, hetuesit policor të stacionit qendra kanë identifikuar personin e dyshuar. I njëjti është në kërkim nga ana e policisë”, tha zëdhënësja e policisë për rajonin e Prishtinës Flora Ahmeti, citojnë mediat kosovare.