Nxënësit në Bulqizë nuk kanë nisur ende shkollën, Zyra Arsimore “harron” të emërojë mësuesit

Po mbyllet java e parë e vitit të ri shkollor 2021-2022, por në Bulqizë po ndodh çudia. Në një nga shkollat e mesme, nxënësit nuk e kanë shijuar ende ditën e parë të mësimit.

Në Njësinë administrative Ostren, 10 mësues nuk janë emëruar  Akoma nga Zyra Vendore Arsimore në Bulqizë, duke bërë që disa klasa të mbeten pa mësim. Nxënësit  paraqiten në shkollë çdo ditë por në mungesë të mësuesve largohen sërish për në shtëpi.

Në shkollën 9-vjeçare Ostren i Vogël vetëm 1 mësues është paraqitur në punë ndërsa mësuesit e tjerë nuk janë emëruar akoma.

Shkolla Ostrenit të Vogël në Lladomericë, ka rreth 70 nxënës,  por dhe këtu mungon 1 mësues.

Shkolla  “10 dëshmorët” Njësia Administrative Trebisht ka mësues të pa emëruar, ndërsa rreth 100 nxënës nuk e kanë nisur ende vitin e ri shkollor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern