“Nuk kam motiv të jetoj” I vranë të birin, babai i Saimir Hoxhës rrëqeth me fjalët: S’ka fjalë të më ngushëllojë

Oficeri i krimeve në Lezhë Saimir Hoxha do të përcillet sot për në banesën e fundit.

Nënkomisari ishte babai i dy djemve 1 dhe 3 vjeç teksa ishte rritur nga prindër mësues.

44-vjeçari ishte vëllai i vetëm mes tre motrave. Babai i tij 85-vjeçar ka thënë se “Nuk kam më motiv për të jetuar, s’ka më fjalë të më ngushëllojë”.

Kujtojmë se ditën e djeshme Saimir Hoxha u vra nga 21-vjeçari Aldi Rama teksa ishte në krye të detyrës.

Pasi kishte asgjesuar një parcelë me kanabis në Kune-Vain me dy kolegë të tjerë ndaluan një automjet të dyshimtë.

Ai i kërkoi të riut Rama dokumentet e identifikimit, por ky i fundit e refuzoi duke e qëlluar për vdekje dy herë me armë.