Inxhinierja Luljeta Bozo, aktualisht deputetja më e vjetër në parlament, ka dhënë mendimin e saj në lidhje me shpalljen “non-grata” të ish-kryeministrit Sali Berisha në SHBA.
Ajo u shpreh se ky vendim është marrë me arsye shumë të forta, mirëpo nuk i kurseu dhe fjalët e mira për Berishën.
Për “Euronews Albania” , Bozo tha se atë nuk e pengon asnjëri që të vijë në Kuvend, vetëm nëse e vendos ai.
Inxhinierja shtoi se atë nuk e pengoi asnjeri që të vijë në parlament vetëm nëse e vendos ai. Bozo bëhet kështu e para në partinë Socialiste që del pro ardhjes së Berishës në parlament.
Pyetja: Po si e shikon Bozo kërkesën e artikuluar tashmë të ndërkombëtarëve për largim nga parlamenti të Sali Berishës?
Bozo: SHBA-të që kanë marrë atë vendim kanë pasur arsye shumë të forta, nuk e diskutoj fare, aq më tepër për një person që ka drejtuar për aq vite. Nëse hyn apo jo në parlament kjo varet nga dëshira e personit vet. Atë e ka votuar populli, ndaj nuk ka asnjë që ta pengojë të hyjë në parlament. Atë e pengon vetëm vetja e tij nëse e vendos vetë, por nuk e pengon dot njeri.
