Një lëvizje e gabuar dhe je i vdekur! Baza ushtarake në Gjadër të Lezhës ndër 5 më sekretet në botë

Shumë baza ushtarake – ose jo – fshehin mistere të panumërta në botë, mes teorishë të shumta konspirative dhe sekreteve ushtarake. Në një renditje për pesë bazat ushtarake më sekrete në botë, renditet edhe ajo e Gjadrës. Media e specializuar në fushën ushtarake, “Sofrep” i ka dedikuar një pjesë të shkrimit për bazat më misterioze edhe asaj në Zadrimë të Lezhës.

SHKRIMI PËR SHQIPËRINË:

Baza Ajrore Gjader është një bazë e epokës komuniste që u ndërtua në një kodër djerrë në Shqipërinë veriore. Duke filluar nga mesi i viteve 1970 ajo u bë shtëpia e MiG-ve të shumta dhe avionëve të tjerë sovjetikë dhe kinezë. Kjo bazë është groposur në anën e një mali (të ngjashëm me Svalbard) dhe thuhet se përmban rreth 2.000 metra tunele brenda mureve të saj. Baza, tani jashtë përdorimit për ushtrinë shqiptare, por dikur ishte një labirint aktiv. Një gjë e pabesueshme për këtë bazë është se aeroplanët do të fluturonin jashtë Gjadërit nga ana e një mali. Pilotët duhet të siguroheshin që të mos ktheheshin në ngritje ndryshe do të rrezikonin rrëzimin e avionit në anën e frikshme të malit që strehonte bazën. Avionët kryesorë luftarakë që u vendosën në Gjader ishin MiG-19, MiG-17 dhe MiG-21. Shumë nga aeroplanët origjinalë të MiG ekzistojnë ende brenda Gjaderit, por zyrtarët shqiptarë po kërkojnë që t’i shesin. Gjithashtu po konsiderohet ideja që të vendosen nëpër muze.

E gjithë kjo infrastrukturë u ndërtua me urdhër të ish -diktatorit komunist Enver Hoxha si një plan për të parandaluar pushtimin e huaj. Fatmirësisht për Shqipërinë, ngjarja për të cilën i druhej diktatori Hoxha nuk ndodhi kurrë. Avioni i fundit fluturoi nga Gjadëra në vitin 2004.

Marrë nga Sofrep