Me shpejtësi “skëterrë”, del videoja e aksidentit ku humbi jetën reperi 

Reperi grek, Mad Clip, ndërroi jetë para disa ditësh pas një aksidenti automobilistik në Vouliagmeni, Athinë.

Makina “Porsche” me të cilën po udhëtonte reperi devijoi nga rruga dhe u përplas me shtyllën.

Përplasja ishte aq e fortë saqë mjeti u shkatërrua plotësisht dhe madje grupit hetimor iu desh kohë që të zbulonte që viktima ishte reperi, emri i vërtetë i të cilit është Peter Anastasopoulos.

Mediat bëjnë me dije se shërbimet zjarrfikëse u përpoqën prej shumë orësh për të nxjerrë trupin nga automjeti.

Së fundmi, është publikuar edhe momenti kur reperi shfaqet duke lëvizur në rrugë me shpejtësi të frikshme.

Në video është regjistruar momenti kur Mad Clip humbet kontrollin e makinës dhe më pas përplaset me një shtyllë.