“Më futi thika pas shpine”, Sali Berisha flet për Lulzim Bashën 

Ish-kryeministri Sali Berisha ka reaguar sërish në lidhje me përjashtimin e tij nga grupi parlamentar i Partisë Demokratike nga kreu demokrat Lulzim Basha.

I ftuar në “Syri Tv” ish-kreu i qeverisë është shprehur se vendimi i jetës së kryedemokratit Lulzim Basha duhet të ishte largimi i Edi Rama dhe jo thika pas shpine ndaj Sali Berishës.

“Anëtarësisë së partisë do ti kërkoj vlerësimin e vendimit. Nuk është qëllimi të rikthej kryetarin Berisha.

Kjo betejë në radhë të parë ka një qëllim, që kurrë më një kryetar të mos i thotë anëtarësisë së saj se unë e mora këtë vendim duke shkeluar ccdo rregull dhe duke e quajtur vendimin e jetës time.

Vendimi i jetës së tij duhet të ishte largimi i Edi Ramës dhe jo thika pas shpine ndaj Sali Berishës. Jahtë statutit nuk është marrë një masë ndaj anëtarëve në periudhën që kam qenë unë.

Lulzim Basha nuk më tha kurrë që të përjashtohem nga grupi parlamentar. Tre ditë para më tha kemi problem me atë ligjin”, tha ai.