Mbollën të gjithë fshatin në Tiranë me hash ash/ Zbardhen emrat e 7 të arrestuarve (VIDEO)

Komisariati nr.1 i Policisë pas një hetimi disa mujor së bashku me forcat “Shqiponja” ka arrestuar 7 persona, midis tyre edhe një kryeplak i një fshati tjetër, bashkëautor i kultivimit të bimëve narkotike në fshatin Kryezi.

Gjatë operacionit po ashtu janë sekuestruar 4 armë zjarri, një armë gjahu, municon luftarak dhe 11 telefona celular.

Në vijim të punës për parandalimin, evidentimin si dhe goditjen e veprimtarisë kriminale në fushën e kultivimit të bimëve narkoitke dhe atë të armëmbajtjes pa leje, bazuar në informacionet e marra nga Specialistët për Hetimin e krimit në Komisariatin e Polcisië Nr. 1 Tiranë nisi procedimi penal për goditjen e personave që posedonin armë zjarri dhe tentonin të kultivonin bimë narkotike.

U bë kapja dhe ndalimi I shtetasve:

•Lulzim Cullhaj, 55 vjeç, për veprën penale ‘’Kultivim i bimëve narkotike’’ Organizator i kultivimit të bimëve narkotike në territorin e fshatit Kryezi. .

•Dashamir Hasanaj, 34 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’, ‘’Shpërdorim i detyrës “.

•Erdit Muca, 21 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’,

•Alfred Muca, 31 vjeç, për veprën penale ‘’Kultivim i bimëve narkotike’’.

•Kadri Gjoshi, 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’,

•Gert Gjoshi , 36 vjeç, për veprën penale ‘’Kultivim i bimëve narkotike’’.

•Xhemal Hidri, 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’.

Ndalimi i këtyre shtetasve është bërë pasi nga terësia e veprimeve proceduriake si dhe provave të sekuestruara rezulton se këta shtetas në bashkëpunim me njeri- tjetrin kanë kultivuar në territorin e fshatit Kryezi të rrethit Tiranë, një numër të konsiderueshëm bimësh narkotike të cilat u asgjësuan me djegie gjatë operacionit policor.

Nga kontrolli i ushtruar në banesat e tyre dhe gjate ushtrimit të kontrollit personal u konstatuan dhe u sekuestruan në cilësinë e provës materiale katër armë zjarri, një armë gjuetie, municion luftarak si dhe 11 telefona të ndryshëm, konkretisht, një kallashnikov, dy pushkë , një pistoletë dhe një çifte.

Nga hetimet e kryera rezultoi se këta shtetas dyshohet të jenë edhe autorë të tentativës për kultivim po në këtë fshat në vitin 2020.

Materialet procedurale do ti kalojnë Prokurorisë së Rrethit Gjyqësor Tiranë, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armeve , armeve shperthyese dhe i municionit’’, ‘’Shpërdorim i detyrës “.