“Lufta vazhdon ende” Kryeministri i Maqedonisë së Veriut reagon pas tragjedisë në spitalin e Tetovës: Shumë jetë janë shuar

Kryeministri i Maqedonisë së Veriut Zoran Zaev u shpreh se shumë jetë janë shuar si pasojë e zjarrit në spitalin C OVID në Tetovë.

Sipas tij lufta për jetën po vijon ende, ndërkohë që i ka shprehur ngushëllimet familjeve të viktimave.

“Një tragjedi e madhe ka ndodhur në qendrën COVID-19 të Tetovës. Një shpërthim ka shkaktuar një zjarr. Zjarri është shuar, por shumë jetë janë shuar. Lufta për jetën po vazhdon ende, dhe të gjitha shërbimet reaguan, sakrifikuan dhe shpëtuan njerëzit.

U shpreh ngushëllimet më të thella familjarëve të të ndjerëve dhe u uroj shërim të shpejtë të lënduarve. Do të përcaktohen shkaqet e zjarrit, për të cilat autoritetet gjyqësore janë tashmë në fushë.

Kjo është një ngjarje me të vërtetë tragjike dhe mund t’ju siguroj se e gjithë maja e shtetit është e angazhuar për shkarkimin e shpejtë të kësaj situate. Aktualisht është në terren selia e krizës në Komunën e Tetovës”, ka shkruar Zaev.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern