Lodhja e syve nga kompjuteri: 6 strategji që ndihmojnë

Jeta moderne është e mbushur me ekrane, nga telefonat inteligjentë e deri te laptopët. Realiteti se si punojmë dhe komunikojmë ka një efekt anësor: lodhja e syve, e njohur edhe si sindroma e shikimit kompjuterik. Kjo ndikon në mënyrën se si shihni dhe si ndiheni dhe madje mund të ndikojë në shëndetin mendor.

Përqendrimi në ekran është më i vështirë për sytë sesa përqendrimi në një libër për shkak të disa faktorëve, si kontrasti mes tekstit dhe sfondit, drita e ekranit, teksti pak i turbullt në ekran etj.

Një nga mënyrat më të mira për të lehtësuar lodhjen e syve është kufizimi i kohës në ekran. Sidoqoftë, kjo nuk është e realizueshme për të gjithë. Ja disa strategji që ndihmojmë.

Rregulli 20-20-20: Çdo 20 minuta, shihni diçka 20 metra larg për 20 sekonda. Kjo u jep syve një moment për t’u çlodhur dhe ripërshtatur.

Pulisni sytë: Pulitja e syve është e rëndësishme për lubrifikimin e syve.

Ulni ndriçimin e ekranit

Rregulloni monitorin: Vendoseni ekranin rreth 60 cm larg fytyrës. Pjesa e sipërme e ekranit duhet të jetë pak nën nivelin e syve.

Përdorni syze kompjuteri: Disa opsione përfshijnë syze me xhama antirefleks dhe lente posaçërisht për ekranet e kompjuterave.

Përdorni pika për sy: Pikat lubrifikuese të syve mund të ndihmojnë në rikthimin e lagështisë në sy. Këshillohuni paraprakisht me mjekun./anabel