Kur ra ashensori në Astir ishin 4 persona, një prej grave të plagosura në spital e pavetëdijshme, ende e paidentifikuar

Detaje të reja dalin në dritë lidhur me ngjarjen e rëndë që ndodhi në një pallat në Astir, ku si pasojë e shkëputjes së ashensorit, u plagosën dy gra. Ngjarja u shënua rreth orës 00:05.

Mediat shkruajnë se përveç dy grave, kur ndodhi aksidenti, në ashensor ishin edhe dy persona të tjerë, që nuk pësuan lëndime. Ndërkohë, pasi u dërguan në spital, një prej grave mori shërbim mjekësor dhe pastaj u largua drejt banesës, ndërkohë që tjetra ndodhet e shtruar ende, pasi është e pavetëdijshme. Dicka e tillë ka bërë që policia ende mos të identifikojë gruan në fjalë, ndërkohë që mjekët shprehen se e lënduara nuk ka rrezik për jetën.

Mësohet po ashtu se në polici është thirrur për t’u marrë në pyetje administratori i pallatit. Ashensori kishte shumë kohë që nuk kolaudohej. Policia po verifikon përgjegjësinë e firmës së kontraktuar për montim dhe mirëmbajtjen e ashensorit.